मनोरंजन

‘छक्का पञ्जा २’ दशैँमा रिलिज हुने

काठमाडौं  आफ्नो फिल्म ‘छ माया छपक्कै’ दशैँपछि रिलिज हुने भएपछि दशैँमा दीपकदीपाको फिल्म ‘छक्का पञ्जा २’ युट्युबमार्फत रिलिज गरिने भएको छ । फिल्मका निर्माता तथा कलाकार दीपकराज गिरीले यसबारेमा जानकारी दिए । दशैँको अवसर पारेर हलमा फिल्म ‘रातो टीका निधारमा’ समेत प्रदर्शन हुँदैछ ।

हलमा फिल्म हेर्न नपाएका दर्शकले लामो समयदेखि यो फिल्मको प्रतीक्षा गरिरहेका छन् । यद्यपि यो फिल्म हलमा दोस्रोपटक रिलिज गरिएको थियो । र, फ्लप भएको थियो ।

चलचित्रमा प्रियंका कार्की, दीपकराज गिरी, जितु नेपाल, स्वरुपपुरुष ढकाल, केदार घिमिरे, वर्षा राउत, स्वस्तिमा खड्का लगायतका कलाकारले अभिनय गरेका छन् । हास्यप्रधान यो चलचित्र पहिलोपटक रिलिज हुँदा व्यावसायिक रुपमा सफल भएको थियो । त्यसपछि रिलिज भएको चलचित्र ‘छक्का पञ्जा ३’ पनि व्यावसायिक रुपमा सफल भएको थियो ।

Leave a Reply

Your email address will not be published. Required fields are marked *