राजनिति

डा रुइतलाई प्रधानमन्त्री राष्ट्रिय प्रतिभा पुरस्कार दिने निर्णय

काठमाडौंसरकारले प्रधानमन्त्री राष्ट्रिय प्रतिभा पुरस्कार वरिष्ठ नेत्ररोग विशेषज्ञ डाक्टर सन्दुक रुइतलाई दिने निर्णय गरेको छ ।डा रुइतलाई संविधान दिवसका दिन शुक्रबारभोलि ५ लाख रुपैयाँ राशिको प्रधानमन्त्री राष्ट्रिय पुरस्कार प्रदान गरिनेछ ।सरकारका प्रवक्ता तथा सञ्चार प्रविधिमन्त्री गोकुल बाँस्कोटाले बिहीबार मन्त्रिपरिषद्को निर्णय सार्वजनिक गर्दै डा रुइतलाई प्रधानमन्त्री राष्ट्रिय प्रतिभा पुरस्कार दिने निर्णय भएको बताएका हुन् ।

डा रुइतले लामो समय मोति विन्दु लगायत आँखाको समस्याका कारण अन्दोपना भएका र अन्दोपना हुनसक्ने लाखौं बिरामीको उपचार गर्दै आएका छन् । उनी तिलगंगा आँखा प्रतिष्ठानका संस्थापन पनि हुन् ।

डा रुइत यसअघि भारतको पद्माश्री पुरस्कारबाट समेत सम्मानित भएका व्यक्ति हुन् । सरकारले २०७५ साल मंसिरमा प्रधानमन्त्री राष्ट्रिय प्रतिभा पुरस्कार कोषको स्थापना गर्ने निर्णय गरेको थियो ।

केपी ओली सरकारले स्थापना गरेको कोषबाट यो पुरस्कार पहिलो पटक डा रुइतलाई प्रदान गर्न लागिएको हो । सरकारले गत मंसिरमा शान्ति, सुशासन, नवप्रवर्तन, वैज्ञानिक खोज, अनुसन्धान तथा विकास क्षेत्रमा योगदान पु¥याउने प्रतिभाशाली व्यक्तिलाई प्रोत्साहन तथा हौसला प्रदान गर्न कोष स्थापना गरी प्रधानमन्त्री राष्ट्रिय प्रतिभा पुरस्कार प्रदान गर्ने व्यवस्था गरेको थियो ।

Leave a Reply

Your email address will not be published. Required fields are marked *