राजनिति

प्रधानमन्त्रीलाई भेटेर स्वेताले भनिन् – उहाँको सकारात्मक विचारले म दंग भएँ

काठमाडौं – नायिका स्वेता खड्काले प्रधानमन्त्री केपी शर्मा ओलीलाई भेटेकी छिन् । सिन्धुपाल्चोकमा निर्माणाधीन अवस्थामा रहेको एकीकृत नमूना बस्तीका बारेमा जानकारी गराउन प्रम ओलीलाई भेटेकी हुन् ।

प्रमसँगको भेटपछि आफू प्रधानमन्त्रीमा सकारात्क सोच र दृढ इच्छाशक्तिबाट आफू प्रभावित भएको बताएकी छिन् । मंगलबारको भेटपछि सामाजिक सञ्जाल फेसबूकमा केही तस्वीर पोस्ट गर्दै स्वेताले लेखेकी छिन्, ‘प्रधानमन्त्री ज्यूबाट प्राप्त हौसला र उत्साहरुपी उर्जाका शब्दहरुले ममा जाँगर थपिदिएको छ ।’

साथै उनले ५३ घर माझीको सुन्दर बस्ती तयार पार्न सबैले सहयोग गर्ने विश्वास समेत व्यक्त गरेकी छिन् । उनले आह्वान गर्दै भनेकी छिन्, ‘राजनीतिक द्वेष र अतिवादी सोचलाई पैतालामुनि कुल्चिएर सामाजिक विकासको पाटोमा हामी सबैले साझा पाइला चाल्ने कि?’

Leave a Reply

Your email address will not be published. Required fields are marked *