मनोरंजन

बिहे गर्न समेत छुट्टी नपाउँदा प्रहरीले दिए पदबाटै राजीनामा !

प्रहरीको जागिर भन्ने बित्तिकै हरेक युवा हुरुक्कै हुन्छन् । नागरिकको सुरक्षामा खटिने प्रहरीले पाउने सुविधा र यसको बर्दीप्रति युवाको मोह बढ्दो छ ।तर प्रहरी भित्र भएको असमान ब्यवहार तथा माथिल्लो पदका प्रहरी अधिकारीबाट तल्लो तहका प्रहरी माथि हुने दमन तथा पारिश्रमिकका कारणले प्रहरीको जागिरबाट राजीनामा दिनेहरु पनि छन् । तर भारतमा भने एक प्रहरीले दिएको राजीनामाको कारण भने निकै रोचक छ ।

हैदरावाद प्रहरीमा कार्यरत २९ वर्षीय सिद्धान्ती प्रताप नामका प्रहरी जवानले बिहे गर्न समेत छुट्टी नपाएको भन्दै पदबाट राजीनामा दिएका छन् । प्रताप नामका प्रहरी जवान बिहेको तयारीमा थिए । तर, उनको हुनेवाला ससुरालीबाट उनको ड्युटी अवधिको बारेमा जानकारी पाएसँगै उनको बिवाह क्यान्सिल भयो ।बेहुलीका बाबुआमाले बेहुलाको ड्य्टी चौबिस घण्टा भएको भन्दै परीवारलाई समय दिन नसक्ने केटालाई छोरी नदिने बताउँदै विवाह तोडे । विवाह गर्न तयारीमा रहँदा पनि आफ्नो जागिरको कारण केटी नपाएको भन्दै उनले पनि प्रहरीको जागिरबाट राजीनामा दिए ।

हैदरावाद पुलिसका आयुक्तलाई पत्र लेख्दै उनले राजीनामा दिनुको कारण चौबीसै घण्टे ड्युटी भएको बताएका छन् । जागिरे अवधिमा साप्ताहिक बिदा समेत नपाएको भन्दै उनले राजीनामा दिएको बताएका छन् । इन्जिनियरिङको अध्ययन गरेका उनले प्रहरी जवान पदमा ५ बर्ष अघि भर्ना भएका थिए ।

Leave a Reply

Your email address will not be published. Required fields are marked *