राशिफल

नवरात्रभर यी रंगका वस्त्र धारण गरे हुनेछ फलिफाप

प्रथमं शैलपुत्री च द्वितीयम् ब्रह्मचारिणी ।तृतीयं चन्द्रघण्टेति कुष्मांडेति चतुर्थकं ।पंचमं स्कंदमातेति, षष्टम कात्यायनीति च ।सप्तमं कालरात्रीति, महागौरीति अष्टमं ।नवमं सिद्धिदात्री च नवदुर्गा प्रकीर्तिता ।

दशैंको नवरात्रिको अवसरमा दुर्गा भगवतीका यी नौ वटा रुप उच्चारण गरी हरेक दिन एक रुपको विधिवत् विशेष पुजा उपासना गरिन्छ ।

दुर्गाका हरेक रुपको पूजा उपासनाका क्रममा देवीलाई प्रसन्न पारे मनोकांक्षा पूरा हुने विश्वास गरिन्छ । नवरात्रिको अवधिभर दुर्गाका नौ रुपको उपासना गर्दा हरेक तिथिमा भगवती प्रसन्न हुने रंगको वस्त्र धारण गरी उपासना गरे देवीबाट शुभ आर्शिबाद मिल्ने विश्वास गरिन्छ।यस पटकको शरदीय नवरात्रिमा दुर्गाको कुन रुपको कुन रंगको बस्त्र पहिरिएर उपासना गर्नाले भगवति प्रसन्न हुन्छिन् ।

पहिलो दिन पहेलो रंग

नवरात्रिको पहिलो दिन पर्वतराज हिमालयकी पुत्री माता शैलपुत्रीको पूजा गरिन्छ । यस दिन पहेलो रंगको वस्त्र धारण गरी पूजा गरेमा देवीको विशेष कृपा रहने छ ।

दोश्रो दिन हरीयो रंग

नवरात्रिको दोश्रो दिन देवी ब्रह्मचारिणीको उपासना गरिन्छ । यस दिन देवीको उपासनाका क्रममा हरीयो रंगको वस्त्र पहिरिएमा बिशेष लाभ मिल्नेछ ।

तेश्रो दिन खैरो रंग

नवरात्रिको तेश्रो दिन दुर्गा भगवतीको चन्द्रघण्टा रुपको उपासना गरिन्छ । यस दिन खैरो रंगको वस्त्र पहिरिएर देवीको उपासना गरे धनलाभको योग बन्नेछ ।

चौथो दिन सुन्तला रंग

नवरात्रिको चौथो दिन माता कुष्मान्डाको उपासना गरिन्छ । यस दिन सुन्तला रंगको वस्त्र पहिरिएर देवीको उपासना गरेमा मनोबाञ्छित लाभ मिल्नेछ ।

पाँचौ दिन सेतो रंग

नवरात्रिको पाँचौं दिन स्कन्दमाताको उपासना गरिन्छ । यस दिन सेतो रंगको वस्त्र पहिरिएर स्कन्दमाताको उपासना गरे मनोकामना पूर्ण हुनेछ ।

छेटौं दिन रातो रंग

नवरात्रिको छैटौं दिन दुर्गा भगवतीको कात्यायनी रुपको उपासना गरिन्छ । यस दिन रातो रंगको वस्त्र पहिरिएर उपासना गर्नाले माता कात्यायनीको आर्शिवाद मिल्नेछ ।

सातौं दिन नीलो रंग

नवरात्रिको सातौं दिन अर्थात सप्तमीमा माता कालरात्रिको उपासना गरिन्छ । यस दिन नीलो रंग धारण गरेर कालरात्रिको उपासना गरेमा माता प्रसन्न हुनेछिन् ।

आठौं दिन गुलाबी रंग

अष्टमीको दिन महागौरीको उपासना गरिन्छ । महागौरीको उपसनाका क्रममा गुलाबी रंगको वस्त्र धारण गरेमा तत्काल शुभ फल मिल्ने योग हुन्छ ।

नवौं दिन बैजनी रंग

नवरात्रिको नवौं दिन माता सिद्धिदात्रीको उपासना गरिन्छ । यस दिन बैजनी रंगको धारण गरी माता सिद्धिदात्रीको उपासना गरे पारिवारिक सुखमा वृद्धि हुनेछ ।

Leave a Reply

Your email address will not be published. Required fields are marked *