प्रमुख समाचार

सगरमाथाको उचाई संयुक्त रुपमा घोषणा गर्ने नेपाल–चीन सहमति

२६ असोज, काठमाडौं । नेपाल र चीनबीच सगरमाथाको उचाई संयुक्त रुपमा घोषणा गर्ने सहमति भएको छ ।

चिनियाँ राष्ट्रपति सी जिनपिङको नेपाल भ्रमणको अन्तिममा जारी १४ बुँदे संयुक्त वक्तव्यमा माउन्ट सगरमाथा/जोमोलुङ्मालाई नेपाल र चीन मित्रताको प्रतिक भएको स्वीकार गरिएको छ । जलवायु परिर्वतन र पर्यावरणको रक्षाका लागि दुई देशले सहकार्य गर्ने पनि संयुक्त वक्तव्यमा उल्लेख छ ।

नेपालले अहिले सगरमाथाको उचाई नाप्ने काम गरिरहेको छ ।

यो पनि पढ्नुहोस :नेपालले ७.१ प्रतिशतको वृद्धिदर हासिल गर्ने विश्व बैंकको प्रक्षेपण २६ असोज, काठमाडौं । विश्व बैंकले सन् २०१९ मा नेपालको अर्थतन्त्रको आकार ७.१ प्रतिशतले वृद्धि हुने प्रक्षेपण गरेको छ । विश्व वैंकका अनुसार अघिल्लो आर्थिक वर्ष सन् २०१८ को तुलनामा यो संतोषजनक वृद्धि हो । सन् २०१८ मा ६.७ प्रतिशत आर्थिक वृद्धिदर थियो ।

विश्व वैंकले आइतबार नेपालसहित सार्क क्षेत्रका मुलुकको आर्थिक वृद्धिदरको प्रक्षेपण सार्वजनिक गरेको छ । उक्त प्रक्षेपणअनुसार दक्षिण एसियाली क्षेत्रमा सबैभन्दा बढी आर्थिक वृद्धिदर बंगलादेशको रहने छ भने दोस्रो स्थानमा नेपाल छ ।

विश्व बैंकका अनुसार त्यसपछिका वर्षहरुमा भने आर्थिक वृद्धिदर केही घट्नेछ । नेपालमा सन् २०२० मा ६.४ प्रतिशत, सन् २०२१ मा ६.५ प्रतिशत आर्थिक वृद्धि हुने अनुमान विश्व बैंकको छ ।

दक्षिण एसियामा सबैभन्दा राम्रो आर्थिक वृद्धिदर बंगलादेशले हासिल गर्ने देखिएको छ । सन् २०१९ मा बंगलादेशले ८.१ प्रतिशत आर्थिक वृद्धिदर प्राप्त गर्ने विश्व बैंकले प्रक्षेपण गरेको हो । त्यसपछिका वर्षमा भने बंगलादेशको आर्थिक वृद्धिसमेत क्रमशः घट्ने अनुमान छ ।

यस भेगमा सबैभन्दा कम आर्थिक वृद्धि भने अफगानिस्तान, श्रीलंका र पाकिस्तानको रहने अनुमान छ । अफगानिस्तानको २.५, श्रीलंकाको २.७ र पाकिस्तानले ३.३ प्रतिशतको आर्थिक वृद्धिदर प्राप्त हुने प्रक्षेपण विश्व बैंकले गरेको छ । दक्षिण एसियामा समग्र ५.९ प्रतिशतको आर्थिक वृद्धिदर कायम हुने अनुमान गरिएको छ ।

भारतको आर्थिक वृद्धिदर ६ प्रतिशत रहने अनुमान गरिएको छ । त्यसपछिका वर्षहरुमा भारतको वृद्धिदर सकारात्मक रहने उल्लेख गरिएको छ ।

नेपालमा अर्थतन्त्रका सकारात्मक संकेत

नेपालमा खासगरी सेवा क्षेत्रमा भएको सकारात्मक वृद्धिले आर्थिक वृद्धिदरलाई सहयोग गरिरहेको विश्व बैंकको भनाइ छ । निर्माण क्षेत्रमा समेत निकै राम्रो प्रगति भइरहेको बैंकले उल्लेख गरेको छ । पर्यटक आगमनमा भएको वृद्धिले समेत आर्थिक वृद्धिदरमा सहयोग गरेको छ ।

Leave a Reply

Your email address will not be published. Required fields are marked *