मनोरंजन

यी बलिउड नायिकाले खाए जीवनभर विवाह नगर्ने कसम

काठमाडौं । बलिउड नायक-नायिकाको विवाहको चर्चा सधै हुने गरेको छ । तर यहाँ यस्ता नायिकाहरुको चर्चा गरिएको छ जसले जीवनभर विवाह नगर्ने कसम खाएका छन् –

१. परबीन वेबी
७०–८० को दशकमा खुल्लपन नआउँदा पनि आफ्नो स्वतन्त्रतामा बाँच्न रुचाउने नायिका परवीन बेबी तीन व्यक्तिसँग प्रेमसम्बन्धमा थिइन् । तर, जीवनभर विवाह भने गरिनन् । उनले जीवनमा डेनी, कबीर बेदी र महेश भट्टसँग प्रेम सम्बन्धमा थिइन् । परवीन बेबीले अध्यात्मसँग जोडिने चक्करमा फिल्म क्षेत्रबाट बिदा लिएकी थिइन् । सन् २००५ मा उनको निधन भएको थियो ।

२. तबस्सुम फातिमा हाशमी
तब्बू भनेर चिनिने यी नायिकाले पनि अहिलेसम्म विवाह गरेकी छैनन् । उनको नाम धेरै अभिनेतासँग जोडिँदै आएको छ । उनी १५ वर्षसम्म दक्षिण भारतीय अभिनेता नागार्जुनसँग प्रेम सम्बन्धमा थिइन् । तर, नागार्जुन विवाहित थिए । त्यसैले उनीहरुको बीचमा विवाह हुन सकेन ।

३. सुरैया

बीबीसीको रिपोर्टका अनुसार देवानन्दले सुरैयालाई पहिलो पटक फिल्म ‘विद्या’ को सेटमा भेटेका थिए । देवानन्दले आफूलाई परिचय दिदै भनेका थिए , ‘सबैले मलाई देव भन्छन्। तिमी मलाई कुन नामले बोलाउन चाहन्छौ?’ सुरैयाले भनिन्- ‘देव’

आनन्दले आफ्नो आत्मकथा रोमान्सिंग लाइफमा लेख्छन्, गीत ‘विद्या’ सेटमा बजिरहेको थियो, क्यामेरा रोल भनियो । सुरैयाले मलाई पछाडिबाट अँगालो हालिन्। मैले उनको लामोलामो सास महसुस गरे। मैले उनको हातमा चुम्बन गरे र त्यसपछि उनी तर्फ फर्किएर चुम्बन गरे। ” सुरैयाले उनको हातको पछाडिको भागमा चुम्बन गरिन्। निर्देशकले चिच्याए भने, ‘ग्रेट शट’ र त्यसपछि दुई बीच प्रेम सम्बन्ध शुरू भयो।

दुबै पहिलो नजरमा प्रेममा परे। फिल्म सेटमा दुबैको नजर एक अर्कामा हुन्थ्यो । दुवैले एक अर्काको प्रेमको नाम पनि राखेका थिए। सुरैयाले आफ्नो मनपर्ने उपन्यासको नायकको रूपमा देव आनन्दलाई ‘स्टीव’ नाम दिइन्। जबकि देव आनन्दले सुरैयाको नाक अलि लामो लाग्थ्यो, उनले सुरैयाको नाम ‘नोसी’ नाके राखे।

जब सुरैया र देव आनन्दको प्रेम सम्बन्धको चर्चा सम्पूर्ण फिल्म जगतमा हुन थाल्यो, सूरियाकी हजुरआमाले पनि थाँहा पाइन् । उनले देव आनन्दलाई घर आउनमा प्रतिबन्ध लगाइन् । यद्यपि सुरैयाकी आमा देव आनन्दलाई धेरै मन पराउँथिइन्, तर घरमा सुरैयाकी हजुरआमालाई हुकुम चल्थियो र सुरैया – देव आनन्दको सम्बन्धमा उनको कडा आपत्ति थियो।

उही समयमा, सुरैया आफ्नो हजुरआमाको कुरा सुन्थिन् । सुरैयाको हजुरआमालाई अर्को धर्मको केटासँगको सम्बन्ध सहन थिएन र सुरैयामाथि प्रतिबन्ध लगाउन थालिन्। सुरैयालाई शुटिङ बाहेक देवलाई भेट्न अनुमति दिन छोडियो।

त्यस समयमा जब सुरैया र देव आनन्दको प्रेम सम्बन्ध बढ्दै थियो, देव आनन्दको फिल्म क्यारियर उक्लदै थियो । साथै सुरैया एक स्थापित नाम भइसकेकी थिइन्। देव आनन्दल सुरैयालाई धेरै माया गर्थे । उनको आत्मकथा ‘रोमान्सिंग विथ लाइफ’ मा भनिएको छ ती दिनहरुमा देव साहेबले सुरैयालाई तीन हजार रुपैयाँ मुल्यको हिराको औंठी दिएका थिए।

स्टारडस्ट पत्रिकालाई दिएको अन्तर्वार्तामा सुरैयाले भनेकी थिईन् – एक दिन सुटिंगको क्रममा मैले देवले दिएको औंठी लगाएको थिए, तर हजुरआमालाई यसको बारेमा थाहा भयो। उहाँले जबरजस्ती त्यो औठी मेरो हातबाट निकाल्नुभयो। मलाई थाहा थियो कि साथीहरूसँग ऋिण लिएर देवले मेरो लागि त्यो बहुमूल्य औंठी किन्नुभएको थियो । त्यो रात म धेरै रोएँ।

सुरैया र देवलाई एक हुन नदिने सुरैयाकी हजुरआमाले निर्णय गरेकी थिइन । अन्तिममा त्यहि भयो। देव आनन्दलेपछि कल्पना कार्तिकसँग विवाह गरे तर सुरैया जीवनभर अविवाहित रहिन्। त्यस समयमा, सुरैयाले देव आनन्दसँग विवाह गर्ने हिम्मत गर्न सकिनन् तर देवका लागि सधैं अविवाहित नै रहिन् । ३१ जनवारी २००४ मा ७४ बर्षको उमेरमा सुरैयाको निधन भयो । सो समय सबैले देव आनन्द उनलाई अन्तिम विदाई दिन आउने अपेक्षा गरेका थिए तर उनी आएनन् । साथै देव आनन्दको ८८ बर्यको उमेरमा ३ डिसेम्बर २०११ मा निधन भयो । यसरी एक प्रेम कहानीको दुखद अन्त्य भयो।

४. अमीषा पटेल
चर्चित बलिउड फिल्म ‘कहो ना प्यार है’ बाट डेब्यू गरेकी अमीष पटेलले पनि विवाह गरेकी छैनन् । कुनै समय धेरै युवाको मनमा बस्न सफल यी नायिका लगातार फ्लप फिल्मपछि भने फिल्मी क्षेत्रबाट टाढा हुँदै गइन् ।

उनी विक्रम भट्टसँग प्रेम सम्बन्धमा थिइन् । यी दुईको बीचमा करीब ५ वर्ष अफेयर्स चलेको थियो । उनीहरुले सन् २००७ मा यो सम्बन्ध टुंग्याएका थिए । त्यसपछि उनी कनव पुरी नामक व्यवसायीसँग पनि सम्बन्धमा थिइन् तर यो सम्बन्ध पनि आफ्नो लक्ष्यमा पुग्न सकेन। सन् २०१० मा यो सम्बन्ध पनि सकिएसँगै उनले सञ्चारमाध्यम विवाह गर्ने मन नरहेको बताएकी थिइन् ।

५. सुष्मिता सेन
बलिउडकी नायिका तथा पूर्व मिस युनिभर्स सुष्मिता सेनको प्रेमको चर्चा विक्रम, भट्ट, मुद्दसर अजीज, सञ्जय नारंग, रणदीप हुड्डा, इम्तियाज खत्री, बन्टी सचदेव, अनिल अम्बानी र वासिम अक्रिमजस्ता व्यक्तिसँग थियो । यति धेरै अफेयर्सका बाबजुद उनी दुई बच्चाकी एकल आमा हुन् । सुष्मिता सेन लामो समयदेखि रोहमान शालसँग सम्बन्धमा छिन् । दुबैले सार्वजनिक रूपमा आफ्नो सम्बन्ध स्वीकारेका छन्। तर विवाह भने भएको छैन ।

Leave a Reply

Your email address will not be published. Required fields are marked *