प्रमुख समाचार

२७ रोपनी जग्गामा विप्लव नेकपाको क’ब्जा, जग्गा फिर्ता नगरे कडा कारवाहीको चे’तावनी

पोखरा । नेत्रविक्रम चन्द ‘विप्लव’ नेतृत्वको नेपाल कम्युनष्टि पार्टी कास्कीले पोखरा महानगरपालिका वडा नं. २३ चापाकोटस्थित साढे ३७ रोपनी जमिनमा आफ्नो झण्डा गाडेको छ । झण्डा गाडिएको जमिन किसानलाई फिर्ता नगरे कडा कारवाही गर्ने चे’तावनी समेत दिएको छ ।

समाचारअनुसार उत्तम पुन र नवीन पुन समूहले सञ्चालन गरेको नेपाल सहकारी संस्था लिमिटेडंले बिना सूचना स्थानीय किसानहरुको सो जमिन सहकारीको नाममा पास गरेको थियो । पार्टीको झण्डा गाड्दै विप्लवका कार्यकर्ताहरुले कुनै पनि व्यक्ति वा संस्थाले सो जमिन खरिदबिक्री वा बितरण गरेमा सशक्त कारवाही गर्ने भन्दै कारवाही किन भन्ने पर्चा समेत वितरण गरेका छन् ।

वितरीत पर्चामा नेपाल सहकारीका सञ्चालकद्वय उत्तम पुन र नवीन पुनले किसानहरुको जग्गा फिर्ता नगरी नक्कली दलाल खडा गरी तेस्रो व्यक्तिलाई जग्गा दिने काम सुरु गरेकोमा आपत्ति जनाइएको छ । २०५७ सालमा स्थानीय किसानहरु देवीरमण चापागाई, पूर्णाखर सुनार, कृष्णप्रसाद अधिकारी, कुलप्रसाद पराजुली, बलराम अधिकारी र गोपालप्रसाद पराजुलीले नेपाल सहकारी संस्था लिमिटेडबाट संयुक्तरुपमा ९ लाख रुपैयाँ ऋण लिएका थिए । पीडित गोपालप्रसाद पराजुलीले गाईपालनका लागि ऋण लिएको बताएका छन् । उनले किस्ता बुझाउने क्रममा सहकारीकै शेयर सदस्यहरुबीच विवाद उत्पन्न हुँदा सहकारी काठमाडौं सारिएको र किस्ता समेत बुझाउन नपाएको गुनासो गरे ।

ऋणको आधा साँवा र ब्याज बुझाइसकेपछि द्वन्द्वकालको अवस्थामा एकाएक सहकारी नै सो स्थानबाट हट्नु र काठमाडौं कुन ठाउँमा छ भन्ने जानकारी हामीलाई नदिने कार्यले उत्तम पुन र नवीन पुन समूहको नियतवश ठगी गर्ने उद्देश्य रहेको पुष्टि हुने किसानहरुको भनाइ रहेको छ । १० वर्षपछि बल्ल बल्ल सहकारी काठमाडौंमा भेटेपछि सरसल्लाह हुँदा एकमुष्ठ २५ लाख रुपैयाँ बुझाएर संस्थाको नाममा पास भएको उक्त जमिन फिर्ता गर्ने सहमति भएको थियो । पीडित देवीरमण चापागाईले भने, ‘जे भएपनि हामीले अब जग्गा पाउँछौं भन्ने सोचेर २५ लाख बुझाउन गयौं तर संस्थाले चलखेल गरेर जमिन अरुलाई नै बेच्न थाल्यो ।’

Leave a Reply

Your email address will not be published. Required fields are marked *