मनोरंजन

दीपिका र प्रियंका होइन, यी अभिनेत्रीले लगाउँछिन् ९० लाखको औंठी

एजेन्सी : बलिउड अभिनेत्री दीपिका पादुकोण र प्रियंका चोपडाको विवाह निकै धुमधामसँग भएको थियो । प्रियंका र निक जोनासले जोधपुरमा रहेको उमैद भवन प्यालेसमा विवाह गरे भने दीपिका र रणवीर सिंहले भारतबाट हजारौं माइल टाढा विवाह गरे ।

यी दुवैले विवाहमा निकै महङ्गा गहना पहिरिएका थिए । तर, यस्ता गहना लगाउँनमा बलिउडकै अर्की अभिनेत्री सोनम कपूर कोहिभन्दा कम छैनन्।

मिडिया रिपोर्टका अनुसार सोनम कपूरको इन्गेजमेन्टको औंठीको मूल्य ९० लाख भारु रहेको थियो । उनले २०१८ को मे ८ मा व्यवसायी आनन्द आहुजासँग विवाह गरेकी हुन् ।

बलिउडका अभिनेत्रीहरु महङ्गा गहना लगाउन शौखिन छन् । भारतीय सञ्चार माध्यमका अनुसार दीपिकाले विवाहको समयमा २० लाख भारुको मंगलसुत्र लगाएकी थिइन् ।

महङ्गा गहना लगाउनमा प्रियंका पनि अगाडि छिन् । मिडिया रिपोर्टका अुनसार उनले आफ्नो ब्याचलर पार्टीमा १० करोड भारुको गहना लगाएकी थिइन् । त्यसैगरी, उनले विवाहको समयमा हरेक रितीरिवाजमा फरक फरक गहना लगाएकी थिइन् । जुन निकै महङ्गा थिए ।

Leave a Reply

Your email address will not be published. Required fields are marked *