समाचार

कोरोनाका ३२ जना नयाँ संक्रमित थपिए, एक जना संक्रमित काठमाडौंका

थप ३२ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयले आज बिहान जारी गरेको प्रेसविज्ञप्ति अनुसार योसँगै मुलुकमा संक्रमित संख्या ५ सय ४८ पुगेको छ।

राष्ट्रिय जनस्वास्थ्य प्रयोगशाला-काठमाडौं, प्रादेशिक जनस्वास्थ्य प्रयोगशाला-भैरहवा र भरतपुर अस्पताल कोभिड-१९ प्रयोगशाला-भरतपुरमा गरिएको परीक्षणमा ३२ जना नयाँ कोरोना संक्रमित फेला परेका हुन्।

संक्रमितमा दुई जना महिला र ३० जना पुरूष रहेका छन्।

संक्रमितमध्ये ८ जना कपिलवस्तुको वाणगंगा नगरपालिकाको हुन् भने १३ जना सर्लाही गोडैता तथा कविलासी नगरपालिकाका र एक जना बारा करैयामाइ गाउँपालिकाका हुन्।

यसैगरी अर्का एक ३५ वर्षीय संक्रमित काठमाडौंका पुरूष भएको खुलेको छ।

यसैगरी प्रादेशिक अस्पतालमा गरिएको परीक्षणमा फेला परेका ८ जना संक्रमित रुपन्देहीको गैडहवा र रोहिनी गाउँपालिकाका बासिन्दा हुन्।

यस्तै चितवनमा फेलापरेका संक्रमित भरतपुर-६ का बासिन्दा भएको मन्त्रालयले जनाएको छ।

संक्रमितहरूको उमेर १७ देखि ५५ वर्ष रहेको छ।

Leave a Reply

Your email address will not be published. Required fields are marked *